ინტერიერის დიზაინის თანამედროვე აქცენტები

18 აგვისტო 2020

“თუ დიზაინი არ გამოხატავს ადამიანის შინაგან სამყარის, ის ვერ იქნება სრულყოფილი„ ლაქშერის ბლოგის კითხვებს, ინტერიერის დიზაინ სტუდიო „DUE“-ს დიზაინერები ცოტნე ანდრიაძე და ლიკა ლასარეიშვილი პასუხობს. 


 

1.რამდენად არის ინტერიერი ადამიანის შინაგანი სამყაროს გამოხატულება? 


 

ადამიანი საკუთარ ხასიათს, გემოვნებას ყველაზე მკაფიოდ იმ სივრცეში გამოხატავს სადაც ყველაზე დიდ დროს ატარებს, ეს შეიძლება იყოს სახლი, სამუშაო სივრცე, კაბინეტი და ა.შ. ინტერიერი და ადამიანის ხასიათი ერთი შეხედვით ერთმანეთისგან განსხვავებული ობიექტებია, თუმცა თუ დიზაინი არ გამოხატავს ადამიანის შინაგან სამყაროს, ის ვერ იქნება სრულყოფილი.

2. თანამედროვე სამყაროში საკმაოდ დიდი ინფორმაცია შემოდის ადამიანის ცნობიერებაში სხვადასხვა ინტერენეტ პლატფორმებისა და გაჯეტების საშულებით, ეს ყველაფერი ხომ არ აქცევს ჩარჩოში ადამიანის ინდივიდუალურ გემოვნებას და ხდის სტანდარტიზებულს?


 

   პირიქით, თანამედროვეობა იძლევა საშუალებას რომ მივიღოთ ზღვა ინფორმაცია და გამოვიყენოთ ის როგორც ინსპირაციის წყარო, ამით კი მეტი მრავალფეროვნება შევსძინოთ ჩვენს გემოვნებას.

3.მოდით ვისაუბროთ ცოტა მეტი ავეჯის შესახებ და თუ შეგიძლიათ გვითხრათ რა არის ის, რასაც შეუცვლელი როლი უჭირავს ავეჯის დიზაინში?


 

    სწორად შერჩეულ ავეჯს ინტერიერში შეუძლია დიდი ცვლილებების მოხდენა, შეიძლება ის გახადოს უფრო მყუდრო და კომფორტული, არასწორად შერჩეულ ავეჯს კი შეუძლია სივრცისა და სტილის დარღვევა გამოიწვიოს. რაც შეეხება ავეჯის ინდუსტრიას, მასში შეუცვლელი როლი უჭირავს ბუნებრივ მასალებს, როგორიცაა ხე, რომელიც თითქმის ყველა სტილის ავეჯში გამოიყენება და ბუნებრივი ქვის ფაქტურა, რომლის ვიზუალური მახასიათებლების შერწყმა თანამედროვე, მინიმალისტურ სტილთან ბოლო წლებში იდეალურად შეძლეს ავეჯის დიზაინერებმა.

 

 

 

4. ჩვენი ვიცით,რომ ინტერიერი მრავალი კომპონენტისგან შედგება და ეს ყველაფერი ერთად ქმნის საერთო ატმოსფეროს, თუ შეგიძლიათ გამოყოთ ყველაზე მნიშვნელოვანი რამდენიმე ელემენტი?


 

   რა თქმა უნდა, ყველა კომპონენტი მნიშვნელოვანია, თუმცა, ჩვენ გამოვყოფდით განათებას და დეკორს, რადგან ამ ორი ელემენტის საშუალებით შეგვიძლია უინტერესო სივრცე გავხადოთ მეტად მიმზიდველი და შინაარსის მქონე.

 

 

5. ესთეტიურობა და პრაქტიკულობა, როგორ ახერხებთ ამ ორი მნიშვნელოვანი კომპონენტის ბალანსს?


 

   დიზაინის მთავარი პრინციპიც სწორედ ეს არის, რომ პრაქტიკულობა შევუთავსოთ ესთეტიურობას, თანამედროვე სამყაროში დამკვეთის ყველაზე ხშირი მოთხოვნა მდგომარეობს იმაში, რომ ნებისმიერ ნივთს თუ ავეჯს ჰქონდეს როგორც ესთეტიური სილამაზე, ისე პრაქტიკული და ფუნქციური დატვირთვა. ცალსახაა, რომ ლამაზი ინტერიერი პრაქტიკულობის გარეშე ვერ იქნება სრულყოფილი, ისევე როგორც პრაქტიკული ინტერიერი ესთეტიურობის გარეშე.

 

 

                               

 

 

6.   იყო განსხვავებული არ არის მარტივი, როგორია თქვენი რჩევები, რომელიც ავეჯის შერჩევის დროს უნდა გაითვალისწინოს მომხმარებელმა?


რჩევები ავეჯის შერჩევისას: პირველ რიგში ჰკითხეთ თქვენს თავს თუ როგორ სივრცეში იგრძნობდით თავს კომფორტულად.

 

  •    თუ გსურთ რომ თქვენი სახლი იყოს მეტად მყუდრო და თბილი, უპირატესობა მიანიჭეთ რბილ ქსოვილებს და თბილ ფერებს.                 
  • თუ მინიმალიზმის მოყვარული ხართ, შეარჩიეთ ავეჯი სწორხაზოვანი, მკაცრი ფორმებით, მეტალის ან ბუნებრივი ქვის ფაქტურის ელემენტებით, რომელიც შექმნის საინტერესო ვიზუალს სივრცის გადატვირთვის გარეშე.
  • არ შეგეშინდეთ ექსპერიმენტების "ითამაშეთ ფერებით" რადგან ფერად ავეჯს შეუძლია თქვენს ინტერიერს შემატოს ინდივიდუალიზმი და შექმნას საინტერესო და განსხვავებული გარემო.